НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

Mobile menu

logomob

Активности

0125 март од многу држави е прогласен за Ден за подигање на свеста за церебрална парализа. Мотото е: Насликајте го светот со зелена боја, едуцирајте се и застапувајте се!
Церебрална парализа (ЦП) претставува непожелен глобален феномен, а овој ден нè потсетува на над 17 милиони луѓе во светот кои се погодени од ова состојба. Церебралната парализа е една од најчестите физички попречености што ги погодува најранливите меѓу нас - децата. Дополнително, ЦП останува присутна низ текот на целиот животен век на детето без ефикасен лек за целосен опоравок, но со можност со примена на одредени медицински третмани, физикални вежби, ортопедски помагала и оперативни зафати, истата значително да се подобри.
Повеќе: 25 МАРТ - ДЕН ЗА ПОДИГАЊЕ НА СВЕСТА ЗА ЦЕРЕБРАЛНАТА ПАРАЛИЗА
nkt01На 25.02.2021 година, во просториите на Владата на РСМ, претседателот на Мобилност Македонија, Бранимир Јовановски, и генералниот секретар Софка Прчева, одржаа работна средба со претседавачот на НКТ за имплементација на Конвенцијата на ООН за правата на лицата со инвалидност, Спасе Додевски, и Лидија Крстевска Дојчиновска, државен советник за следење на Програмата на Владата на РСМ.
На средбата ги презентиравме активностите кои ни се во тек, пред се во однос на новиот Закон за градење, со кој треба да се предвидат соодветни стандарди за пристапност на објектите и урбаната средина за лицата со инвалидност, и генерално пристапноста да се дефинира како стандард на градба, текст во чија изработка, како заинтересиран сојуз, во повеќе фази дававме конструктивни предлози и сугестии минатата година за подобрување на текстот во одност на прашањето за пристапноста, како и за казнените одредби во случај на непочитување на мерките, при што добивме ветување дека во најскор временски рок ќе ја добиеме најновата верзија на текстот на Законот.
Повеќе: РАБОТНА СРЕДБА НА МОБИЛНОСТ МАКЕДОНИЈА СО СОВЕТНИЦИТЕ НА ПРЕТСЕДАТЕЛОТ НА ВЛАДАТА НА РСМ
03На 25.02.2021 година во просториите на Владата на РСМ, под претседателство на Спасе Додевски, се одржа конститутивната седница на новиот состав на Националното координативно тело за имплементација на Конвенцијата на ООН за правата на лицата со инвалидност. Во ова тело членуваат по 2 претставници од министерствата (1 член и 1 заменик член), како и претставници од две невладини организации, Националниот совет на инвалидските организации на Македонија - НСИОМ (Владо Крстовски-член и Бранимир Јовановски-заменик член) и 2 претставници од Ресурсниот центар.
На седницата, по кусото запознавање на претставниците, беше усвоен записникот од претходната седница на телото одржана на 30,12.2020 година, од страна на претседавачот беше дадена информација за реализираните активности до одржување на конститутивната седница и беше отворена дискусија по однос на идни планирани процеси како и изготвување на Акциски план за 2021 година.

Информација за членовите на Мобилност Македонија и родителите на деца со телесен инвалидитет за навремено информирање за постапката за побарување на образовни/лични асистенти во наставата за учебната 2021/2022 година.

Учениците од 2-ро до 9-то одделение „барањето“ (кое исто така е во прилог) со потребната документација (мислење од Комисија која прави проценка по МКФ) треба да ги достават до училиштето каде што учат до март 2021 година. Учениците кои се запишуваат во 1-во одделение барањата ги доставуваат до почетокот на јуни 2021 година.

Доколку Ви се потребни дополнителни појаснувања и информации, обратете се на контакт телефоните од Комисииите што работат по МКФ: 02 6091752 и 074 202 838.

Оваа е-адреса е заштитена од спамботови. Треба да ви е овозможено JavaScript за да ја видите.

Линк до Правилникот: PDF Download

ajde da pishuvame

Националниот сојуз на лицата со телесен инвалидитет на Македонија – Мобилност Македонија, како национална инвалидска организација на лицата со телесен инвалидитет во Република Северна Македонија, и кровна организација на здружени членки со преку 8.200 членови, поред активностите за подобрување на правата и положбата на овие лица, во својата програма за работа презема и соодветни активности за социјална инклузија на лицата со телесен инвалидитет преку развивање на нивните креативни, уметнички и интелектуални потенцијали.
Една од тие мерки е и одржување на манифестацијата Литературните средби на лицата со телесен инвалидитет на Македонија, која ја одржуваме долг низ на години и секоја година финишира со Литературни читања на најдобрите три творби, селектирани од стручната жири комисија, токму во предвечерието на одбележувањето на 3. Декември - Меѓународниот ден на лицата со инвалидност. Низ годините од нашето постоење и делување, се нанижаа 25 изданија на Литературните средби на лицата со телесен инвалидитет на Македонија.
Во овој Зборник на литературни творби наречен „Ајде да пишуваме“, ги објавуваме најуспешните три творби од секое издание на Литературните средби на лицата со телесен инвалидитет на Македонија, во период од 2010-2019 година, со што им се заблагодаруваме на авторите за нивната креативност, оддавајќи им должна почит. Ова е наш обид, преку публиковање на творбите, истите да го видат светлото на денот и да се најдат во рацете на вљубениците на убавиот пишан збор, воедно штитејќи ги од заборав.
Како сојуз, посакуваме Калиопа, заштитничката на епската поезија и ораторството, со својата восочна плочка, моливот и свиток од хартија и понатаму ги буди страстите, да ги инспирира и да им даде сила на нашите членови – поети, да истрајат во обидите да ги преточат своите емоции преку нивните поетски креации, кои понатаму несебично ќе ги понудат на уживање на широкиот поетски аудиториум.
Мобилност Македонија ќе продолжи да ги поддржува и развива креативните потенцијали на своите членови преку организирање и одржување на Литературни средби, Литературните читања, а ќе се погрижи периодично, најуспешните од нив, да ги објави во соодветен Зборник.
Линк за преземање на Зборникот::

PDF Download