МОБИЛНОСТ МАКЕДОНИЈА

Националниот сојуз на лица со телесен инвалидитет на Северна Македонија – Мобилност Македонија, ги повикува своите членови и лицата со телесен инвалидитет кои имаат потреба од следните додатоци на ортопедски помагала, да се пријават на отворениот повик:

• електричен додаток за движење на инвалидска количка (Electric Wheelchair Handcycle);
• инвалидска количка на електромоторен погон.
• електромоторна количка -скутер

Право да поднесат барање имаат членовите на Мобилност Македонија и други лица со телесен инвалидитет од 18-65 годишна возраст, кои ги исполнуваат медицинските индикации согласно Правилникот за индикациите за оставрување на право на ортопедски и други помагала, а неможат да го остварат правото преку ФЗОРСМ.

Лица кои претходно од сојузот добиле некое од наведените помагала во последните 5 години, немаат право на пријавување. Предност имаат лицата кои досега го немаат остварено ова право.

Кон барањето треба да се достави документација:

- Наод, оцена и мислење од надлежен орган или Конзилијарно мислење за функционален статус (ортопед, физијатар и невролог);

- Потврда од УЈП за примањата на барателот за минатата година;

- Потврда од здружението, доколку е активен во работата на органите и телата на здружението или ангажиран во спроведување на програмските активности;

- Мислење од специјалист невролог дека лицето е способно самостојно и безбедно да ја управува инвалидската количка на електромоторен погон, инвалидска количка-скутер  или електричниот ортопедски додаток;

- Потврда од Агенција за вработување дека лицето е невработено;

- Фотокопија од лична карта со која се потврдува возраста;

- Податоци за контакт, број од мобилен телефон и мејл адреса.

Јавниот повик ќе важи 15 дена од денот на објавување.

Барањето со целокупната потребна документација треба да се испратат по пошта на адреса: Национален сојуз на лица со телесен инвалидитет на Северна Македонија - Мобилност Македонија, ул.„11 Октомври“ бр.42а, Скопје,  или на e-mail: Оваа е-адреса е заштитена од спамботови. Треба да ви е овозможено JavaScript за да ја видите..

Некомплетните документи како и ненавременото доставени барања, Комисијата  нема да ги разгледува.

Национален сојуз на лица со телесен инвалидитет

на Северна Македонија – Мобилност Македонија

На 02.11.2024 година, во хотелот "Вила Парк" во Струмица, се одржа јубилејното 25-то издание на традиционалната манифестација "Тортијада", во организација на Мобилност Струмица а под покровителство на Националниот сојуз на лица со телесен инвалидитет на Северна Македонија - Мобилност Македонија.

На манифестацијата учествуваа 9 екипи од здружените членки: Скопје, Куманово, Штип, Прилеп, Кочани, Радовиш, Велес, Гевгелија и домаќинот Струмица.

Првото место за најдобро подготвена торта го освои Здружението Мобилност Гевгелија, второто место Мобилност Кочани а третото место го освои екипата на Мобилност Велес.

Манифестацијата ја отвори претседателот на Советот на општина Струмица, а водител на настанот беше Ѓорѓи Калајџиев.

Средства за одржување на манифестацијата беа обезбедени преку Министерство за труд и социјална политика.

На 30.10.2024 година во салата "Борис Трајковски" во Собранието на РСМ, со почеток во 11:00 часот се одржа конститутивна седница на Интер партиска парламентарна група за правата на лицата со инвалидност. На конститутивната седница се обрати г. Африм Гаши - претседател на Собранието на РС Македонија, г-дин Никола Мицевски - претседавач на ИППГ, г- дин Јован Митрески и г-ѓа Весна Бендевска. По излагањата на пратениците, обраќање имаа и лицата со попреченост во насока на нивните очекувања и нивните видуавања за процесите во поглед на имплементацијата на Конвенцијата за правата на лицата со попреченост.

Во текот на овие дваесет години од своето постоење, ИППГ со својата работа стана препознатлив синоним за промовирање и унапредување на правата на лицата со попреченост.

Визијата за формирање и постоење на една ваква група беше таа да претставува спрега помеѓу организациите на лица со инвалидност и власта, гласноговорник кој ќе ги артикулира потребите на заедницата со попреченост пред народните избраници, и ќе помогне тие потреби да се вообличат во конкретни законски одредби кои ќе гарантираат остварување на правата и креирање на услови за еднакви можности.

На 28.10.2024 година во Владата на рсМ се одржа тркалезна маса и презентација на препораките за политиките околу втемелување на семејниот пристап при осмислување и спроведување услуги на грижа и нега. На настанот учествуваше и министерот за социјална политика, демографија и млади, ФАтмир Лимани.

Претставник на Мобилност Македонија на овој настан беше секретарот Гораст Велковски.

На 24.10.2024 година во Скопје, канцеларијата на ОН во Македонија го одбележа денот на Повелбата на Обединетите Нации која стапила во сила во 1945 година, а од 1971 година 24 Октомври се чествува и е познат како UN DAY.

На настанот како претставник од Мобилност Македонија присуствуваше секретарот Гораст Велковски.

Насловот на одбележувањето на настанот беше „79 години заедничка посветеност за помирен, праведен и поодржлив свет за сите“. Настанот се одржа во Школка во Градски парк во Скопје, а целта на настанот беше да се подигне свеста за итната потреба од поголема одржливост преку практични и едноставни акции кои можат да инспирираат и други. Мотото беше глобалното движење за подобар и поодржлив свет.