НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА     

Mobile menu

Активности

ПРОМОЦИЈА НА ОДЕЛО ЗА НЕВРОМОДУЛАЦИЈА (Expopulse Molli Suit)

Детали
Категорија: Активности
002На 27.09.2022 година, во конференциската сала во ДХО „Даре Џамбаз“ во Скопје, во присуство на повеќе од 70 членови на Мобилност Македонија од здружените членки на сојузот, се одржа презентација на тема: “Exopulse Mollii прв невромодулациски костум“.
Презентацијата беше организирана во рамките на соработката помеѓу Центарот за ортотика и протетика „Славеј“ од Скопје и Мобилност Македонија.
Презентацијата ја одржа Др. Ивана Рајнпрехт Фолнеговиќ од Загреб, Република Хрватска, истакнувајќи дека оваа презентацијата се однесува за еден иновативен и исклучително надежен терапевтски костум чија наменa е пред се за лица кои се дијагностицирани со невролошки заболувања како што се; мултиплекс склероза, паркинсонова болест, церебрална парализа и за останати лица кои имаат спастични состојби, односно потешкотии во движењата. Оделото делува стимулативно на нервниот и мускулниот систем на телото, а со тек на времето дава позитивни резултати во намалување на болките кои се појавуваат како последица на дијагнозите и состојбите кај индивидуата.
Mollii Suit (поранешен Elektrodress) е функционална облека која се состои од пар панталони, јакна и контролна единица која испраќа електрични сигнали до корисникот преку електроди од внатрешната страна на облеката. Mollii е помошен уред што луѓето со мускулна вкочанетост (спастичност) или други форми на моторна попреченост можат да го користат во нивната домашна средина. Може да помогне да се намалат несаканите рефлекси и вкочанетост, со што се овозможува подобрено држење на телото, зголемен опсег на движења и функционална способност. Исто така, може да намали одредени видови болка и да ги подобри моделите на спиење.
Повеќе: ПРОМОЦИЈА НА ОДЕЛО ЗА НЕВРОМОДУЛАЦИЈА (Expopulse Molli Suit)

РЕПУБЛИЧКИ КВИЗ НАТПРЕВАР 2022

Детали
Категорија: Активности
002Националниот сојуз на лица со телесен инвалидитет на Македонија-Мобилност Македонија, на 17-18.09.2022 година, во хотелот „Галеб“ во Струга, го одржа 28-то издание на Републичкиот квиз натпревар за лица со телесен инвалидитет на Македонија.
На натпреварот учествуваа 14 екипи кои беа поделени во четири четвртфинални групи од кои две составени од по четири екипи, и две составени од по три екипи. По одржување на четвртфиналните квизови на 17.09.2022, двете првопласирани екипи од секоја четвртфинална група се квалификуваа за полуфиналните борби, а останатите екипи го завршија својот настап на Републичкиот квиз натпревар.
Комплетот на прашањата за квизот традиционално ги изготви Зоран Јорданов, жири комисијата беше во состав Софка Прчева и Драган Дојчиноски, за техничка обработка на прашањата и дигитална презентација на квиз натпреварите беше задолжен Тони Пајдаков, додека водител на натпреварот и годинава беше Бранимир Јовановски.
Повеќе: РЕПУБЛИЧКИ КВИЗ НАТПРЕВАР 2022

ПРЕЗЕНТАЦИЈА ПОД НАСЛОВ: “Exopulse Mollii прв невромодулациски костум“

Детали
Категорија: Активности
002На 27.09.2022 год од 18.00 до 19.00 часот, во големата конференциска сала во ДХО „Даре Џамбаз“ во Скопје, на ул.11 Октомври 42а, Скопје, Центарот за ортотика и протетика Славеј АД Скопје ќе организира презентација под наслов:
“Exopulse Mollii прв невромодулациски костум“
Презентацијата ќе ја одржи Д-р Ивана Рајнпрехт Фолнеговиќ од Загреб, Република Хрватска. Презентацијата ќе се одржи со почеток во 18.00 часот, ќе трае 45 минути и ќе биде презентирана на Хрватски јазик.
Оваа презентацијата пред се е наменета за лица заболени од Мултиплекс склероза, Паркинсонова болест и Церебрална парализа.
Ги повикуваме членовите на Мобилност Македонија да присуствуваат на презентацијата на оваа новина.

МОБИЛНОСТ МАКЕДОНИЈА УЧЕСТВУВАШЕ НА 53. МЕМОРИЈАЛ Проф. БОЈАН ХРОВАТИН, КОПЕР 2022

Детали
Категорија: Активности
002На 10 септември 2022 година, во Копер, Словенија, се одржа 53. „Меморијален турнир на проф. Бојан Хроватин“, кој воедно за словенските натпреварувачи беше и 32. Државно првенство на Словенија, а за учесниците од регионот и 8. Меѓународен атлетски натпревар за спортисти со параплегија и квадриплегија.
На натпреварот настапија 68 спортисти. Покрај домаќинот Словенија кој настапи со најголем број на спортисти, учествуваа и натпреварувачи од Црна Гора, Србија, Босна и Херцеговина, Хрватска, Северна Македонија и Чешка.
Мобилност Македонија на натпреварот ја претставуваше Александар Јовановски, кој во конкуренција на 14 натпреварувачи во класа Ф54 го освои 8-то место.
Повеќе: МОБИЛНОСТ МАКЕДОНИЈА УЧЕСТВУВАШЕ НА 53. МЕМОРИЈАЛ Проф. БОЈАН ХРОВАТИН, КОПЕР 2022

ИНКЛУЗИВЕН КАМП ВО КАМПИНГОТ ЉУБАНИШТЕ - ОХРИД

Детали
Категорија: Активности
001На 07.08.2022 година претседателот на Мобилност Велес, Миланчо Арсовски, во Кампингот Љубаниште во Охрид го отвори Летниот инклузивен камп за деца со и без попреченост во организација на Мобилност Велес.
Кампот е дел дванаесетмесечните активности во рамките на проектот „Заедно сме подобри“, кој Меѓуопштинското здружение на лица со телесен инвалидитет на Велес, Градско и Чашка - Мобилност Велес, го спроведува со поддршка на општина Велес, а во рамките на Регионалната програма за локална демократија на Западен Балкан 2 - ReLOaD 2, финансиран од Европската Унија.
Во рамките на проектот, поставена е првата рампа за влез во водите на Охридското Езеро за лица со инвалидска количка, соодветен тоалет, и адаптирани се неколку бунгалови со пространи купатила и соби за престој на лица кои се движат со инвалидска количка.
Повеќе: ИНКЛУЗИВЕН КАМП ВО КАМПИНГОТ ЉУБАНИШТЕ - ОХРИД