НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
 |
 |
Информации за општинските
|
 |
Наши реализирани и планирани активности
|
 |
Прочитајте го гласилото на
нашата организација
|
 |
Разни документи кои
се однесуваат на нашите членови
|
 |
Информации како да стапите во
контакт со нас
|
ТВ СПОТОВИ
Активности
- Детали
-
Категорија: Активности
На 18.01.2021 година на платформата Зум, се одржа работилница на тема „Против стереотипи и дискриминација со инклузивно медиумско известување“ во организација на Советот за етика во медиумите на Македонија (СЕММ).Марина Тунева, извршна директорка на СЕММ даде вовед во работилницата, а потоа Весна Никодинoска, раководителка на програми, Македонски институт за медиуми , ја презентираше темата „Медиумите и известувањето за етничките групи - какви се најчестите слики?“, по што следеа препораки за медиумите и дискусија.
Втората тема, „Медиумите и лицата со попреченост – каде е гласот на овие лица?“, ја презентираше Владо Крстовски, програмски менаџер, „Порака“, и токму на ова тема зедовме активно учество во дискусијата особено во сегментот на шареноликата терминологија за лицата со инвалидност во медиумите, а особено во законската легислатива во државата каде истите се соочуваат и со одредена неприменливост на законите,односно проблеми во идентификација при остварување на одредени права. По завршената дискусија беа утврдени соодветни препораки до медиумите.
Повеќе...
- Детали
-
Категорија: Активности
Мобилност Македонија во 2020 година објави конкурс за најдобра литературна творба за 2020 гподина. На објавениот кункурс за најдобра литературна творба беа пријавени 11 автори, секој со по една творба, кои ги оценуваше постојаната жири комисија при Мобилност Македонија во состав: -Весна Ацевска - поетеса и преведувач,
-Ѓорѓи Калајџиев - поет, новинар и водител, и
-Кире Огненовски - поет и член на Мобилност Македонија.
Редоследот на творбите беше определен во согласност со пропозициите на Мобилност Македонија според кои, во случај на еднаков број на поени, подобро пласирана е творбата која добила поголем број на поени од некој член на жири комисијата.
Во годинешниот избор, по сумирање на гласовите од жири комисијата, две творби добија еднаков број на поени, меѓутоа творбата „Немир“ од авторот Соња Ѓорѓиевска, од еден од членовите на жири комисијата доби максимални 11 поени и согласно пропозициите го зазеде првото место.
За жал, заради зголемениот број на дневна трансмисија на корона вирусот во месеците ноември и декември, традиционалните Литературни читања на 02 Декември, оваа година одлучивме да не се одржат заради намалување на ризикот од инфекција од КОВИД-19 кај нашите членови. Плакетите на првопласираните 3 автори ќе им бидат доставени по пошта на домашна адреса.
Мобилност Македонија им упатува искрени честитки на сите автори кои со свои творби учествуваа на 26. Литературни средби на лицата со телесен инвалидитет на Македонија.
Конечен редослед:
Повеќе...
- Детали
-
Категорија: Активности
На 28.12.2020 година со почеток во 11 часот се одржа (онлајн, преку ЗУМ платформа) четвртата (последна) сесија во рамките на Проектот „Регионални форуми во заедницата“ во Скопскиот плански регион, на кој на почетокот на годината со свој проект за реновирање на објектите за опоравок и рехабилитација на лицата со телесен инвалидитет на Македонија во Охрид аплицираше и Мобилност Македонија.По воведното излагање и презентирање на целите на сесијата и осврт на форумскиот процес од страна на модераторот Розета Арсовска, информација за (не)реализација на проектот финансиран од програмата и информација за (не)реализацијата на избраниот проект на училиштето Партение Зографски, даде Жаклина Цветковска, претставник на ЦРСПР.
Повеќе...
- Детали
-
Категорија: Активности
ТЕМА НА КАМПАЊАТА: Овозможување на пристапност за лицата со телесна попреченостМОТО НА КАМПАЊАТА: ОДИ СО МЕНЕ
ЦЕЛ НА КАМПАЊАТА: Подигање на нивото на јавната свест за архитектонските бариери во опкружувањето кои целосно ја попречуваат инклузијата на лицата со телесна попреченост во сите пори на општествениот живот.
Лајтмотив на кампањата: е ангажирање на јавноста преку предизвик за снимање кратко креативно видео под наслов "Оди со мене" на тема пристапност.
Повеќе...- Детали
-
Категорија: Активности
Почитувани членови на Мобилност Македонија, денес се навршуваат 34 години од формирањето на Националниот сојуз на лица со телесен инвалидитет на Македонија - Мобилност Македонија.Овој ден традиционално го одбележувавме со организирање на тркалезна маса во присуство на градоначалници и други авторитети од локалната самоуправа, домаќин на настанот, на која говоревме за потребите од поддршка на лицата со телесен инвалидитет во нивното непречено вклучување во општеството преку креирање на еднакви можности.
За жал, пандемијата од корона вирусот и рестриктивните мерки за организирање и присуство на групни настани годинава не спречија да ја продолжиме традицијата, но не не спречуваат да се сетиме на денот и да посакаме уште многу успешни преговори со институциите за подобрување на правата на лицата со телесен инвалидитет, но и кампањи за подигање на нивото на свесноста за потребите на овие лица.
Нека ни е честит денот.