НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
 |
 |
Информации за општинските
|
 |
Наши реализирани и планирани активности
|
 |
Прочитајте го гласилото на
нашата организација
|
 |
Разни документи кои
се однесуваат на нашите членови
|
 |
Информации како да стапите во
контакт со нас
|
ТВ СПОТОВИ
Активности
- Детали
-
Категорија: Активности
ЕВН Македонија донираше возило наменето за задоволување на потребите на лицата со телесен инвалидитет, членови на здружението „Мобилност Тетово и Гостивар“. Возилото кое носи порака „Со љубов за полесно движење”, ќе се користи за превоз на лицата со телесен инвалидитет при лекарски прегледи, настава и други социјални активности.
„Веќе три години живеам во Република Македонија и сметам дека е прекрасна земја, но сепак би рекол дека нема многу добри услови за лицата со посебни потреби. За тоа не смееме да впериме прст само во државата и во локалната самоуправа, некогаш треба и граѓанското општество и компаниите да направиме нешто за подобрување на тие услови“ рече г-дин Штефан Петер, Претседател на Управниот одбор на ЕВН Македонија.
„Како одговорна компанија сме горди што со овој чин и преку соработката со граѓански здруженија и организации придонесуваме за подобрување на условите за лицата со посебни потреби” додаде г-дин Петер на примопредавањето на донацијата.
На настанот присуствуваше и Градоначалничката на општина Тетово, г-ѓа Теута Арифи, која изрази благодарност за донацијата.
Повеќе: ЕВН Македонија донираше возило за здружението „Мобилност Тетово и Гостивар”- Детали
-
Категорија: Активности
Јавното претпријатие за јавни паркиралишта „Паркинзи на Општина Центар“ отвори посебна телефонска линија за пријавување на несовесно паркирани автомобили односно автомобили паркирани на места означени за лица со посебни потреби.
Од денеска граѓаните ќе можат да ги пријават непрописно паркираните автомобили на места означени за лица со попреченост на директниот телефонски број: 077 410 002. По добивање на повикот, пајак службата на ЈП ПОЦ ќе интервенира веднаш, а на местата каде што нема пристапност ќе се поставуваат блокатори.
„Ги повикуваме сите граѓани доколку забележат автомобил паркиран на место означено за лица со посебни потреби да алармираат на 077 410 002 кај нашите служби. Само со еден телефонски повик ќе им помогнеме на лицата со инвалидитет непречено и нормално функционирање во градот и ќе влијаеме на свеста на возачите да паркираат совесно" - изјави В.Д. директорот на ЈП Паркинзи на Општина Центар, Vangel Andreski.
Повеќе: ЈП Паркинзи на Општина Центар- Детали
-
Категорија: Активности
ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОН ЗА СОЦИЈАЛНА ЗАШТИТА
усвоен во Собранието на РМ на 09.11.2017 година, а објавен во Службен весник бр.163 од 14.11.2017 година
Повеќето од мерките за кои се залагаше Мобилност Македонија во последните години за укинување на одредбите за врзување на правото за одредени надоместоци со годишните нето примања на корисникот беа донесени како измени и дополнувања на Законот за социјална заштита на 09.11.2017 година, меѓу кои:
Повеќе: ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОН ЗА СОЦИЈАЛНА ЗАШТИТА- Детали
-
Категорија: Активности
На 20.12.2017 година во кабинетот на Претседателот на Владата на РМ, Зоран Заев беше одржана работна средба со претседателот на Мобилност Македонија и на Националното координативно тело за еднакви права на лицата со инвалидност во РМ. Беа дискутирани повеќе прашања од интерес на членството во однос на досегашните постигнувања и трите работни средби со Комисијата за ортопедски помагала при ФЗОМ, за пристапноста на институциите и општото опкружување во целост, за функционирањето на Националното координативното тело, очекуваната конститутивна седница во новиот состав во првата половина на 2018 година и други програмски планови содржани во програмата на сојузот за 2018 година. Добивме целосна поддршка од Премиерот Зоран Заев кој меѓу другото истакна: „Кога велиме дека градиме едно општество за сите, велиме и дека сме пријатели и создаваме пријателска средина и за лицата со посебни потреби. Затоа ги охрабрувам сите институции да работат исклучиво во насока на подобрување на условите за живот и на овие наши сограѓани.“
- Детали
-
Категорија: Активности
Во име на Програмата за развој на Обединетите нации (УНДП), на 18.12.2017 година во Хотел Мериот – Скопје, со почеток во 12.30 часот се одржа конференција на тема „Креирање на инклузивни услуги за деца и лица со попреченост“. Главната цел на конференцијата беше да се презентираат обрските и заложбите на државата во согласност со Конвенцијата на ООН за правата на лицата со попреченост.
Настанот се фокусира на новите услуги и решенија кои имаат за цел остварување на идејата за независен живот во заедницата и обезбедување на еднакви образовни можности за децата и лицата со попреченост.
Повеќе: КРЕИРАЊЕ НА ИНКЛУЗИВНИ УСЛУГИ НА ДЕЦА И ЛИЦА СО ПОПРЕЧЕНОСТ