МОБИЛНОСТ МАКЕДОНИЈА

ПОРТА МАКЕДОНИЈА - ИЗЛОЖБА НА ЛИКОВНИ ДЕЛА 2025

Детали

На 02.12.2025 година, во "Порта Македонија" во Скопје, во организација на Мобилност Македонија, се одржа изложба на ликовни дела од Ликовната колонија "Мобилност 2025", одржана во Охрид 09-15.10.2025 година.
Врамените дела имаа можност да ги видат дел од уметниците кои учествуваа на колонијата, членовите од здружените членки на сојузот, како и нашите пријатели и подржувачи на нашите активности.
Пред присутните гости се обрати претседателот на сојузот, Бранимир Јовановски, а во името на уметниците говореше Проф. Димитар Миладинов.
Настанот заврши со пригоден коктел.
Средства за организација на овој настан беа обезбедени од Министерство за социјална политика, демографија и млади.

Детали

24 ОКТОМВРИ - МЕЃУНАРОДЕН ДЕН НА ПОЛИО (ДЕТСКА ПАРАЛИЗА)

Детали

Светскиот ден на полиомиелитис се одбележува на 24 октомври секоја година. Полиомиелитисот е многу заразна болест предизвикана од вирусот на полиомиелитис.

Мобилност Македонија се придружува кон одбележувањето на 24 Октомври - Меѓународен ден на Полиомиелитисот, со објавување на овој текст, кој треба да придонесе за подигање на свесноста за потребата од заштита и имунизација на децата во најрана возраст.

Темата на Светскиот ден на полиомиелитис за 2025 година е „Крај на полиомиелитисот: За секое дете, вакцина насекаде“. Оваа тема ја нагласува итната потреба да се обезбеди за секое дете, во секој дел од светот, да ја прими вакцината против полиомиелитис.

Виолетовата е симболична боја за Светскиот ден на полиомиелитис. Кампањата со виолетова боја ги означува имунизираните деца со виолетово мастило. Кампањите и постерите често ја истакнуваат оваа боја за да покажат поддршка за искоренување на полиомиелитисот низ целиот свет.

Детали

6. ОКТОМВРИ – СВЕТСКИ ДЕН НА ЦЕРЕБРАЛНА ПАРАЛИЗА

Детали

Церебралната парализа е несакан глобален феномен. Светскиот ден на церебралната парализа, кој се одбележува секоја година на 6 октомври, има за цел да не потсети дека во светот денес живеат повеќе од 17 милиони луѓе погодени од ова нарушување.

Церебралната парализа е еден од најчестите телесни попречености што, за жал ги погодува најранливите меѓу нас - децата. Дополнително, церебралната парализа останува присутна низ текот на целиот животен век на детето без ефикасен лек за целосен опоравок, но со можност, со примена на одредени медицински третмани, физикални вежби, ортопедски помагала и оперативни зафати, истата значително да се подобри.

Церебрална парализа е најчестата доживотна физичка попреченост, но сепак останува еден од најнедоволно финансираните и занемарените проблеми со попреченоста и глобалното здравје. Многу луѓе кои живеат со церебрална парализа се соочуваат со пречки, од недостаток на пристап до здравствена заштита и образование до социјална исклученост и дискриминација при вработување.

Светскиот ден на церебрална парализа постои за да го промени тоа.

Детали

УСПЕШЕН НАСТАП НА ПАРА АТЛЕТИЧАРИТЕ НА МОБИЛНОСТ МАКЕДОНИЈА ВО САРАЈЕВО, БиХ

Детали

Од 11-13.09.2025 година, во Сарајево, БиХ, во организација на Сојузот на параплегичари и заболени од детска парализа на БиХ, се одржаа 21. Републички спортски игри на кои настапија и спортисти од Мобилност Македонија: Адем Неби Ф58, Елена Давитковска Ф56, Зоран Јовановски Ф55 и Златко Арсовски Ф55.

Најдобар пласман освои Аџем Неби во класа Ф58, кој освои три први места во трите дисциплини во кои настапи со резултати: ѓуле 7,64 метри; диск 15,89 метри; и копје 15,67 метри.

Елена Давитковска освои едно второ и две трети места со резултати: копје 2 место 9.65 метри; диск 3 место 10,54 метри; и ѓуле 3 место 4,48 метри.

Детали